මාර්ක් සකර්බර්ග් ගේ මුහුණු පොත හැක්වෙලා මිලියන 50කට ආසන්න ගිනුම් වල දත්ත අවධානමකට ලක් වුන පුවතක් අසන්න ලැබුණේ ගිය සිකුරාදා. මේ සමගම මුහුණු පොත අන්තර්ජාලයේ සුරක්ෂිතද යන්න ගැටළුවක් උනා පමණක් නොවෙයි හැකර්ලා ගැන වැඩි අවධානයක්ද ලෝකය පුරා ඇති උනා. මුහුණු පොත වගේ පරිඝණක ජාල ආරක්ෂිත විධි විධාන දැඩි සමාජ ජාල වෙබ් අඩවියක් හැක් වෙන්න ඉඩ තියෙනවද? ඔවු ඒක වෙන්න පුලුවන්. මොකද පරිඝණක දෘඩකාංග මෘදුකාංග ඇතුළු ජාලකරන උපකරණ සියල්ල මිනිසුන්ගේම නිර්මාණ. මේ ඕනම දේක දුර්වල පැත්තක් තියෙන්න පුලුවන්. ඇත්තටම බැලුවොත් පරිඝණක හා ජාලකරණ උපකරණ වලත් මෘදුකාංගවලත් ආරක්ෂිත විධි විධාන වල දුර්වල තැන් තමයි හැකර්ලා ඉලක්ක කරන්නේ. කොහොම උනත් මේ සිද්ධියෙන් පෙනෙනේ මුහුණු පොතටත් වෙලා තියෙන්නේ මේ වැඩේමයි කියන එක.
මුහුණු පොත හැක් කරපු හැකර්ලාට ගිනුම් හිමියන්ගේ ගිනුම් වලට පිවිසෙන්න අවශ්‍ය මුරපද " Password "ඇතුළු දත්ත ලබාගන්න පුළුවන් උනේ කොහොමද? මේක තවත් ගැටළුවක්. මුහුණු පොතට පිවිසෙන ඇතමුන් තමාගේ ගිනුමෙන් ස්ථිර ලෙස ඉවත් නොවී මුරපදය " Password " තමන් අන්තර්ජාලයට පිවිසෙන්නට භාවිතා කරන පරිඝණකයේ වෙබ් බ්‍රවුසරය තුලම මතක තබා ගැනීමට "Save " ස්ලස්වනවා. තමන්ගේ තනි පාවිච්චියට ඇති පරිඝණක ජංගම දුරකථන ආදියේ මෙලෙස මුරපද මතකයේ රඳවා තැබීමට බොහෝ දෙනා පෙළඹෙනවා. ගිනුම් හිමියන් එලෙස මතකයට රඳවන මුරපද "Password " මුහුණු පොතේ සර්වර් " Server " වලින් නැවත වරක් හඳුනා ගන්නේ ඇක්සස් ටෝකන් " Access Token " කියන ඩිජිටල් කේත සටහන් මගින්. මේ ඇක්සස් ටෝකන් " Access Token " වලින් ගිනුම් හිමියන්ගේ මුරපද " Password " හොයාගන්නත් පුළුවන් වෙනවා. දැනට තිබෙන තොරතුරු අනුවනම් හැකර්ලා අතට පත්වෙලා තියෙන්නේ මේ ඇක්සස් ටෝකන් " Access Token " ඒ මගින් තමයි ඔවුන් ගිනුම් හිමියනේ මුරපද "Password " සොරගෙන තිබෙන්නේ. මුහුණු පොතට මෑතක එල්ල වූ දරුණුම හැකර් ප්‍රහාරයත් මෙය බවයි කියවෙන්නේ. දැනට සුරක්ෂිතම අන්තර්ජාල විධි විධාන භාවිතා වෙන්නේ දකුණු කොරියාවේ කියලා වාර්තා වෙනවා. නමුත් කොහේ උනත් පරිඝණක, අන්තර්ජාල ආරක්ෂිත විධි විධාන හා ඒ පසුපස ඇති තාක්ෂණය 100% අංග සම්පූර්ණයි කියා සිතන්නට බෑ. මුහුණු පොතේ ප්‍රධාන සර්වර් " Server " තියෙන්නේ දකුණු කොරියාවේ නෙවෙයි. අපට මතක තියාගන්න වෙන එකම දේ මනුස්සයන් නිර්මාණය කරන දේවල් වල දුර්වල පැති තියෙනව කියන එක.
විස්තර
https://www.businessinsider.com/facebook-security-attack-affecting-50-million-users-2018-9?utm_content=buffer6464e&utm_medium=social&utm_source=facebook.com&utm_campaign=buffer-ti
මේ කතාව මතකද? පින්තූරේ ඉන්න නළුවනම් අපි කවුරුත් අඳුරන කෙනෙක්. ඒ වික්‍රම
සෙනවිරත්න. ඔහු රූපවාහිනී ප්‍රේක්ෂකයන් අතර ජනප්‍රියත්වයට වගේම ආකර්ශනයට
පත් උනේ කිරිහාමිගේ චරිතයෙන්. වර්ෂ 1985ට විතර කලින් ඉපදුන අයටනම් ජාතික
රූපවාහිනියේ විකාශනය වී පසු කලක නැවතත් විකාශනය වූ හත්පණ ළමා ටෙලි නාට්‍ය
හොඳින් මතක ඇතිවාට කිසිම සැකයක් නෑ. ඒ කාලේ නම් ළමයින් අතරේ විතරක් නෙවෙයි
වැඩිහිටියන් අතරෙත් මේ කතාව ජ්නප්‍රියයි. කතාවේ ප්‍රධාන චරිතය වන කිරිහාමිට
පණ දෙන වික්‍රම සෙනවිරත්න අති විශිෂ්ඨ වගේම ඉතාම තාත්වික රංගනයක
නියැලෙනවා. කිරිහාමිට වරෙක පණ යන ආකාරයත් නැවත පණ එන ආකාරයත් ප්‍රකඨ ලේකක
කුමාරතුන්ග මුනිදාස ශූරීන්ගේ හත්පණ කතා පොතේ එන චරිතය මැනවින් ගෙන හැර
දක්වයි. ඇත්තෙන්ම ඒ කාලේ හත්පණ වගේම "ලොක්කෙ මාමා" වගේ ළමයින්ට රස විඳින්නට
හැකි අපේම සමාජ පරිසරයට බොහෝ සමීප ළමා කතා රූපවානියේ විකාශනය උනා. ඒත්
කනගාටුදායක දේ අද මේ වගේ ළමයින්ට රස විඳින්න පුළුවන් ළමා කතා රූපවාහිණී
නාලිකා වල විකාශනය නොවෙන එක. ළමා වැඩසටහන් තිබුණත් ඒ බොහොමයක් කලකට පෙර
නිර්මාණය උන හත්පණ ලොක්කෙ මාමා වගේ ඉහල මට්ටමේ නිර්මාණ නොවෙයි. අද අපේ රටේ
රූපවාහිණී මාධ්‍ය ඉන්දියානු ටෙලිනාට්‍ය වලිනුත් ආක්‍රමණය කරලා. තත්වය
කණගාටුදායක උනත් එකළ අපේ රටේ ප්‍රකඨ ලේඛකයෙකුගේ කෘතියකට අනුව රූපවාහිණියට
නිර්මාණය වෙච්ච මේ වගේ කතාවක් ගැන යමක් ලිවීමත් එක්තරා අස්වැසිල්ලක්.
