තොටුපොල කන්ද සහ රාවණ යුගය

තොටුපොල කන්ද පිහිටල තියෙන්නේ හෝටන් තැන්න ප්‍රදේශයේ තරමක් පට්ටිපොල දෙසට වන්නටයි. මේ කන්ද ශ්‍රී ලංකාවේ තුන්වැනි උසම කන්ද. මුහුදු මට්ටමේ සිට උස අඩි 7739ක්. කන්දට තොටුපොල කියන නම ලැබුනේ කොහොමද? මේ කතාව රාවණ ඉතිහාසයත් එක්ක සම්බන්ධයි. පැරණි ජනප්‍රවාදයේ සඳහන් වෙන විදිහටනම් රාවණ රජතුමාගේ දඬුමොණරය ගොඩබෑ තොටුපොල මේ ආසන්නයේ ඇති නිසා කන්දට තොටුපොල කන්ද කියන නම ලැබිල තියෙනවා.

                   මේ ජනප්‍රවාද කිසිවක් අපට බැහැර කරන්නට නොහැකියි. දඬුමොණරය ගැන තොරතුරු රාවණ රජු වටා ඇති බොහොමයක් ජනප්‍රවාද වල සඳහන් වෙනවා. දඬුමොණරය ගුවනින් පියාසර කිරීමට රාවණ රජු විසින් භාවිත කළ යානාවයි. දඬුමොණරය සුලඟ හා වායු පීඩන වෙනස්කම් ආදාරයෙන් පියාසර කළ හැකි යානාවක් බව කියවෙනවා. වර්තමාණයේ ඇති නවීන ගුවන් යානා වලත් පියාසර කිරීමේ හා ඉහලට එසවීමේ තාක්ෂණය පදනම් වෙන්නේ වායුපීඩන වෙනසක් නිර්මාණය කිරීම මතයි. දඬුමොණරයේ තාක්ෂණය ගැනත් විවිධ කතන්දර තිබෙනවා. දඬුමොණරය සුළඟේ ආදාරයෙන් පියාසර කිරීම හා ඒ ආශ්‍රිත තොරතුරු අනුව බලනකොට නම් තොටුපොල කන්ද හා ඒ වටා බැඳුනු පුරාවුර්තයන් නිවැරදියි කියා සිතන්නට තිබෙන සාක්ෂි පැහැදිලියි.

                  

ඒ තොටුපොල කන්දත් හෝටන්තැන්නත් ආශ්‍රිත පරිසරය හා භූ විශමතාවය සලකන විටදීයි. හෝටන් තැන්න ප්‍රදේශය පතන බිම්කඩවල් සහිත තරමක් තැනිතලා ප්‍රදේශයක්. ඒ වගේම හෝටන්තැන්නේ දකුණු පැත්තේ ඇති ලෝකාන්තය ලෙස ප්‍රසිද්ධ ස්ථානය ඇතුළු ඉතා සීඝ්‍ර බෑවුම් සහිත ස්ථාන වලින් සුලඟේ ආධාරයෙන් පියාසර කළ හැකි යානාවක් ගුවන්ගත කිරීමට හැකියාවක් තිබෙනවා. තොටුපොල කන්ද අවට හෝටන්තැන්න ප්‍රදේශයේ තැනිතලා භූමි ප්‍රදේශයක් වෙත එවැනි යානයක් ගොඩබෑමද පහසු කටයුත්තක්. මේ අනුව බලද්දී රාවණ රජු දඬුමොණරය ගුවන්ගත කිරීමටත් ආපසු ගොඩබෑමටත් මේ ප්‍රදේශය භාවිතා කළා කියා කියන්නට ඉතාම කිට්ටු සාධක බොහොමයක් එම පරිසරයේම තිබෙනවා. එසේනම් අප මේ පැරණි ජනප්‍රවාද නොසලකා හැරිය යුතුද? ඇත්තෙන්ම කළයුතු දේ නම් මේ ජනප්‍රවාද ඔස්සේ තව තවත් මේ ඉතිහාසය වෙත එබී බැලීමයි. එසේ කරන්නේනම් අපට අපේ පැරණි ඉතිහාස තොරතුරු පමණක් නොව රාවණ යුගයේ තාක්ෂණික තොරතුරුත් අනාවරණය කරගැනීමට නිසැක ඉඩකඩක් ලැබෙනු ඇති.

අවකාශයේ ගලායන්නේ කාලයද? සිදුවීම් මාලාවක්ද?

අප එදිනෙදා ජීවිතයේදී කාලය ගැන කොතෙකුත් කතා වෙනවා. කාලය කා දැමීම කාලයෙන් ප්‍රයෝජන ගැනීම ආදී දේවල් කොතෙකුත් අප අසා ඇති. කාලය නමින් රාශියක් ත්‍රිමාණයේ එක් මූලික මාණයක් ලෙස ගැනෙන්නේ ඇයි. කාලය යන්නෙන් තේරුම් ගන්නේ කවරක්ද? අප එදිනෙදා කරන කියන දේ මනසින් පරික්ෂා කර බැලුවොත් තේරෙයි යම්කිසි දෙයක් සම්බන්ධයෙන් සිදුවන සිදුවීම් මාලාවක් එකින් එක එකක් පසුවට එකක් සිදුවීම තේරුම් ගැනීමට කාලය නමින් රාශියක් යොදා ගන්නා බව. යම් කිසිවක් සම්බන්ධයෙන් අතීතය වර්තමාණය සහ අනාගතය සැලකීමේදී එකකට අනුරූපව තවත් එකක් ලෙස අතීතයට අනුව වර්තමාණයත් වර්තමාණයට අනුව අනාගතයත් තීන්දු වන බව පෙනී යයි. ඕනෑම දෙයක ඇතිවීමක් හා නැති වීමක් තිබෙන බැවින් කාලයට අනුරූපව සිදුවන්නේ ඇති වීමේ සිට නැති වීම දක්වා වන යම් සිදුවීම මාලාවකි. මෙලෙස සිදු වන සිද්ධි මාලාව තේරුම් ගන්නේ අප කාලය ඇසුරෙනි. එනම් කාලය නමින් දෙයක් නැති වුවත් යම් සිද්ධි මාලාවක් තේරුම් ගැනීමට කාලය නමින් රාශියක් යොදගැනීමයි. ඉන්ද්‍රිය ගෝචර ලෝකයෙන් ඔබ්බට මනස මෙහෙයවිය හැකි ධ්‍යාන ලාභීන්ට මෙවැනි යම් සිදුවීම් මාලාවක අතීතය වර්තමාණය හා අනාගතය යන අවස්ථා තුනම දැකීමේ හැකියාවක් තිබෙනවා විය නොහැකිද? අපටනම් යම් කිසිවක දැකිය හැක්කේ වර්තමාණය පමණි.

හෙළ වෙදකම හා පැරණි සමාජය

බටහිර වෛද්‍ය විද්‍යාව අන් රටවල මෙන්ම අපේ රටේත් ප්‍රමුඛ වෛද්‍ය ක්‍රමය බවට පත් වී තිබුනද අපේ රටට ආවේනික සිංහල වෙදකම කිසිවිටකත් නොසලකා හැරිය නොහැකියි. බටහිර වෛද්‍ය විද්‍යාවට වඩා සාර්ථක ප්‍රතිඵල යම් යම් ලෙඩ රෝග සම්බන්ධයෙන් සිංහල වෙදකමෙන් අත් කරගන්නට පුළුවන් බව කාටත් තේරුම් ගත හැකි සත්‍යක්. කැඩුම් බිඳුම් හිරි වැටීම් ස්නායු රෝගාබාධ වලට අදටත් බොහෝ දෙනා බටහිර වෛද්‍ය විද්‍යාවට වඩා විශ්වාසයක් තබන්නේ සිංහල වෙදකම ගැනයි. සිංහල වෙදකම ආයුර්වේදය ලෙසත් ප්‍රසිද්ධයි. මෙහි අර්ථය වන්නේ ආයු වර්ධන වේදය යන්න. වේදය යනු යම් ශාස්ත්‍රයකට යෙදෙන හැඳින්වීමකි.

                                    ලිපියෙන් සාකච්චා කිරීමට බලාපොරොත්තු වන්නේ හෙළ වෙදකමේ මූලාශ්‍ර හෝ දැනුම ගැන නොවේ. මෙයින් අප උදක් බලාපොරොත්තු වන්නේ සිංහල වෙදකම ආශ්‍රිත දැනුම සිංහල සමාජය පුරා එක් එක් මට්ටම් වලින් ඇතිර පැතිර තිබෙන ආකාරයත්, ජනයා හෙළ වෙදකම ආශ්‍රිත දැනුම පරිහරනය කරන ආකාරයත් ගැන කරුණු කාරනා කිහිපයක් ගෙන හැර පෑමයි. බටහිර වෛද්‍ය විද්‍යාවේනම් යම් ලෙඩකට ප්‍රතිකර්ම කෙරෙන්නේත් ලෙඩේ වෙනමම සැලකිල්ලට ගෙන එහි මූලාශ්‍රයන් ගැන කරුනු සොයමින්. එහෙත් සිංහල වෙදකමේ ලෙඩාගේ සර්වාංගයම සැලකිල්ලට ගෙන ලෙඩාට ප්‍රතිකර්ම කෙරෙන්නේ අසනීපයේ ශාරීරික හා මානසික පදනම ගැන විශ්ලේශනයක් කෙරෙමින්. බටහිර වෛද්‍ය විද්‍යාවේදී ශරීරයේ යම් තැනක හෝ මුළු සිරුරෙහිම ඇතිවන අසනීප තත්වයකට ඖෂධ ලබා දීමේදී ජීව රසායනික ක්‍රියාකාරිත්වයන් පදනමට ගෙන ඖෂධ ලෙස යම් යම් රසායනිකයන් 100% ඒ සංඝඨක ලෙසින් ලබා දීම සිදු කෙරේ. එහෙත් ආයුර්වේදයෙහි වැඩි වශයෙන් සිදු වන්නේ ශාඛ කොටස් හා වෙනත් ද්‍රව්‍ය රැසක් එකට එක් කර ඖෂධීය සංඝඨක එකතුවක් මගින් සර්වාංගයම සුවපත් කිරීමයි.

                                  බටහිර වෛද්‍ය ක්‍රම වේදයන් හා ඊට සමගාමී සමාජ තත්වයන් දෙස බලද්දී අපට දකින්නට ලැබෙන්නේ වෛද්‍ය විද්‍යාවේ දැනුම සාමාන්‍ය සමාජය තුල පැතිරී ඇත්තේ අල්ප වශයෙන් යන්නයි. වෛද්‍යවරයෙකුගේ උපදෙස් නොමැතිව සාමාන්‍ය පුද්ගලයෙකුට යම් අසනීපයකදී කර හැක්කේ බොහෝ දුරට යම් වේදනා නාශකයක් භාවිතයට ගැනීම පමණකි. එහෙත් සිංහල වෙදකම හා ඒ ආශ්‍රිත දැනුම සැලකිල්ලට ගත් කල සමාජයේ තරමක් වැඩි වශයෙන් වෙදකම ආශ්‍රිත දැනුම පැතිරී පවතින බවක් පෙනේ. පොඩි උදාහරනයක් ලෙස සිරුරේ උෂ්ණ හා සිසිල් ගති සමබරව තබාගැනීමට අපේ සමාජයේ පුද්ගලයන්ට තිබෙන සාමාන්‍ය දැනීම සැලකිල්ලට ගත හැක. උෂ්ණ කෑම සීතල කෑම ගැන ඇති දැනුම හා ආහාර රටාවෙන් උෂ්ණ හා සිසිල් ගතිය සිරුරේ සමබරව තබාගැනීමට අපේ පැරැණ්නන් මෙන්ම අද සමාජයේ බොහෝ දෙනාද දනිති. ගෘහණියන් ඉවුම් පිහුම් කටයුතු වලදී කරපිංචා සුදුලූණු ගම්මිරිස් ආදිය මෙන්ම වෙනත් කුළුබඩු යොදා ගනු ලබන්නේ ආහාර රසගැන්වීමට පමණක්ම නොව යම් ඖෂධීය ගුණයක්ද ආහාරයට එක් කිරීමටයි. හේන් වගාව, ගොවිතැන් කරන අය සර්ප විෂට කරන ප්‍රතිකර්ම ගැන සාමාන්‍ය දැනීමක් ඇති අය වූ බවක් පෙනෙන්නට තිබේ. එමෙන්ම කම්මල් කරුවන් පිලිස්සුම් තුවාල වලට කරන ප්‍රතිකාර ගැන දැනගැනීම අත්‍යවශ්‍ය දෙයක් වෙනවා. මවුවරුන් දරුවෙකුට උණක් හෙම්බිරිස්සාවක් හැදුනු විට කොත්තමල්ලි ටිකක් හෝ තම්බා දීමට දැනගෙන සිටිති. ඒ දැනුම කෙනෙක් දෙදෙනෙක් අතර නොව මුළු සමාජයම පුරාවට පැතිර ඇත. තෙහෙට්ටුව කම්මැලි ගතිය ආහාර අරුචිය ආදියට සුදුසු දසමූලාරිෂ්ඨ ගැන ජනයා අතර සාමාන්‍ය දැනුමක්  තිබේ. වෙද මහතෙකුගේ උපදෙස් ලබා නොගෙන වුවත් යම් යම් අසනීප තත්වයන්ට කළ හැකි සුළු ප්‍රතිකර්ම ගැන දැනුමක් ජන සමාජය පුරාවට ඇත. මේවා හැඳින්වෙන්නේ බොහෝ විට අත් බෙහෙතක් කිරීම ලෙසයි. අද පරම්පරාව ලබා සිටින දැනුම අනුව බොහෝ දෙනා හුරු වී සිටින්නේ අපට ආවේනික දැනුමෙහි අඩුපාඩු දකින්නටත් ඇතැම් විට දැනුම හෑල්ලු කිරීමටත් පමණකි. හෙළ වෙදකම් ආශ්‍රිත දැනුම ගැන කියන්නට ඇත්තේත් ඒ ටිකමය. ඒ එසේ වුවත් දැන්නම් හෙළ වෙදකම ඇතුළුව අනෙකුත් සියළු දේ සම්බන්ධයෙන් අපේ රටට ආවේනික දැනුමෙහි වැදගත්කම් හා විශිෂ්ඨතා ගැන විචාරවත් ලෙස සොයා බැලීමක් කිරීමට කාලය උදා වී තිබේ.

ජ්‍යොතිෂ හාස්කම්

ජ්‍යොතිෂය ගැන පර්යේශනකිරීමට මා පෙළඹුනේ ම වෙත සේවා ලබාගැනීමට ආ අය සදහා සම්ප්‍රදායික පරාශරක්‍රමයෙන් කී අනාවැකි සත්‍ය් නොවීම නිසාය. ඒ නිසා ක්‍රිශ්නමූර්ති ක්‍රමය ශ්‍රීපති ක්‍රමය මතුනොව මගේම අත්හදාබැලීම් තුලින්ද දැනුම ලබාගැනීමට උත්සාහ කළෙමි. මෙහිදී බොහෝ ගිහිපැවිදි පඩිවරු තම ගුරු මුෂ්ටි ප්‍රදානය කරමින් මට බොහෝ අනුග්‍රහ කළහ.

මෙම ශාස්ත්‍රය පොතින් පතින් පමණක් ඉගෙනගතහැක්කක් නොවේ.පරිවාර විෂයන් ලෙස භූත විද්‍යාව හා යෝග භාවනාද හැඳෑරිය යුතුවේ. නො එසේනම් නිවැරදි අනාවැකි කීම උගහටය. මෙම විෂය විටෙක ප්‍රදීපාගාරයක් මෙනි.අනතුරු අගවන්නකි තවත් විටෙක මන් පෙන්වන්නකි. කෙසේ වෙතත් විශය ප්‍රවීණයකු විය යුතු සේම හොද සවන් දෙන්නෙකුද විය යුතුය.

මා හමුවට ආ එක් සේවා දායකයෙකු තමන්ට කිසිම දියුණුවක් නැතැයි මට පැමිණිලි කළේය. මා ඔහුගේ කේන්දරය පරීක්ෂා කරන විට පෙනී ගියේ මෙය කලින් පරීක්ෂා කළ ජ්‍යොතිර්වේදීන් සම්ප්‍රදායික ක්‍රමය අනුගමනය කිරීමෙන් සියල්ල වරද්දා ගෙන ඇති බවය.ඒ මහ දශා හා අතුරු දශා ගනනය කිරීමේදීය. ශනි මහ දශාව ආරම්භ වෙන කාලය සම්ප්‍රදායික නොවන ලෙස ගනනය කර පෙන්වූ විට කේන්දර හිමියා සතුටට පත්විය. සම්ප්‍රදායික ක්‍රමයට වඩා අවුරුදු 5 කින් ශනි මාහ් දශාව ආරම්භ වී තිබිනි.

තවත් අවස්ථාවක කාර්යාලයක වැඩකරන කාන්තාවකට ඔබ අසුවල් මාසය වාන් විට ඉන්න තැන වෙනස් වීමට සිදුවෙනවා එසේ නොවීනම් මම වේලාවන් බැලීම නවත්වමි කියා නොබියවම කීවෙමි. එය හරියටම හරියාමෙන් පසු තකහනියක්ම මා හමුවීමට ඇවිත් ස්තුති කළාය.

අනෙක් සිදුවීම මා එක්තරා පවුලක කේන්දර බැලීමේදී එම පවුලේ පියාගේ කේන්දරයේ 2013 වසරේ තිබූ තදබල අපලයක් දැක මෙයින් බේරුනේ කෙසේදැයි ඇසීමි. එම මාසයේදී ඔහු මියගිය බව එම පවුලේ අම්මා කීවාය. මම එයින් දිරි ගෙන ග්‍රහයන් අතර දුර තත්කාලය හා සැසදීම ක්‍රිශ්නමූර්ති ක්‍රමයේ උප අධිපතියා ට විශේෂ අවධානයක් දීම හා තවත් ප්‍රසිද්ධියේ කිව නොහැකි සමහර කරුණු සමහරක් තුලින් ජනතාවට හොද සේවයක් සැපයිය හැකි බව අවබෝධකරගත්තෙමි.

ඉන්පසු බොහෝ දෙනෙකුට ව්‍යාපාර සාර්ථක කරගැනීමට උපදෙස් දෙමින් මෙය විනෝදාංශයක් ලෙස කළෙමි. මා සුවිශේෂ පුද්ගලයන් මුනගැසීමට ගිය චාරිකා ගැන රසවත් කතා ඊලඟට

මාතලේ හුණු සාමාන්‍ය හුණු ගල් වලින් වෙනස් වෙන්නේ ඇයි.

සාමාන්‍ය හුනුගල් වල අඩංගු රසායනික සංඝටකය වෙන්නේ කැල්සියම් කාබනේට් ( Caco3  ) ලංකාවේ යාපනය ත්‍රිකුණාමලය වැනි ප්‍රදේශ වල බහුලව තිබෙන හුනුගල් කැල්සියම් කාබනේට් වලින් සමන්විතයි. දිවයිනේ උතුරු ප්‍රදේශය ආශ්‍රිතව අවසාදිත හුනුගල් බහුලව දක්නට ලැබේන්වා. හුනුගල් මීට අමතරව රටේ වෙනත් පරදේශ වලද දැකගත හැකියි. උතුරුදිග ප්‍රදේශ හැරුනු විට මාතලේ ප්‍රදේශයත් හුනු කර්මාන්තයට යම් ප්‍රසිද්ධියක් උසුලනවා. නමුත් මාතලේ ප්‍රදේශයෙන් හමුවන හුනුගල් බොහොමයක් දිවයිනේ අනෙකුත් ප්‍රදේශ වලින් හමුවන හුනුගල් වල්ට වඩා වෙනස්. ඒවා බොහොමයක් ඩොලමයිට් යන ඛණිජ ද්‍රව්‍ය වේ. ඩොලමයිට් වල කැල්සියම් කාබනේට් වලට අමතරව මැග්නීසියම් කාබනේට් ( Mgco3 ) අඩංගුයි. ඩොලමයිට් වල කැල්සියම් කාබනේට් සහ මැග්නීසියම් කාබනේට් දල වශයෙන්  50% ට 50% අනුපාතයකින් මිශ්‍රයි. මාතලේ ප්‍රදේශයේ හුනු උතුරුදිග ප්‍රදේශ වල හුනු වලින් කරන ඉදිකිරීම් හෝ වෙනත් නිර්මාණ වල එතරම් වෙනසක් දැකිය නොහැකි උනත් සිමෙන්ති නිශ්පාදනයේදීනම් ඩොලමයිට් යොදාගැනෙන්නේ නෑ. ඩොලමයිට් වල ඇති තවත් විශේෂත්වය්ක් වෙන්නේ මේ ඛණිජය විශේෂයෙන් පොල් වගාවට අවශ්‍ය මැග්නීසියම් ලවන අවශ්‍යතාවය සඳහා පොහොරක් ලෙස භාවිතා වීමයි.