Tuesday, April 30, 2019

විපතට පත් සියළු දෙනාට සහනය අත් වේවා!


මේ වසරේ අප්‍රේල් මස පාස්කු ඉරිදා අනපේක්ෂිත ලෙස ත්‍රස්ත ප්‍රහාර වලට ලක් වී මිය ගිය සියළු දෙනාට නිවන් සුව ලැබේවා. තුවාල ලැබූවන් ඉක්මනින් සුවපත්  වේවා.විපතට පත් සියළු දෙනාට සහනය අත් වේවා!

Sunday, April 14, 2019

සුබ නව වසරක් වේවා!


උදා වූ සිංහල අළුත් අවුරුද්ද ශ්‍රී ලංකා වාසි සියල්ලන්ට සතුට සෞභාග්‍ය පිරි නව වසරක් වෙවා.

Friday, March 22, 2019

පරිසරය සහ මනස


මනස සහ පරිසරය අතර සම්බන්ධය මොකක්ද? අද වෙනදාටත් වඩා මානසික ආතතිය, පීඩනය ගැන කතා කෙරෙනවා. ඇත්තෙන්ම මානසික ආතතියට කෙනෙකු ජීවත් වෙන පරිසරයේ ස්වභාවය බොහෝසෙයින් බලපානවා. අපි හුඟ දෙනෙක් මේ ගැන වැඩි අවධානයක් යොමු නොකළත් ඇත්තෙන්ම එදිනෙදා ජීවිතයේදී පවා පරිසරයත් මනසත් අතර තිබෙන සම්බන්ධතාවයේ විවිධ ප්‍රතිඵල අප කවුරුත් අත් විඳ ඇති. අප ජීවත් වන පරිසරයේ ස්වභාවික ගතිය අඩු වී කෘතීම ගතිය ගොඩක් වැඩි උනොත් ඒ තුලින් අපේ මනසට යම් පීඩනයක් එල්ල වනවා වගේම එය කෙනෙකුගේ මානසික සමබරතාවයටත් බලපෑමක් කරනවා. ඒ වගේම අනෙක් අතට කෙනෙකු යම් චිත්ත පීඩාවකට පත්ව සිටින මොහොතක ඒ තැනැත්තා කොළ පැහැයෙන් යුතු ගහකොළ බහුල ස්වභාවික පරිසරය දැකීමෙන් පුද්ගලයාගේ ඒ පීඩනය පහව ගොස් මනසට යම් සැහැල්ලුවක් ඇති කරනවා. මනසත් පරිසරයත් අතර තිබෙන මේ සම්බන්ධතාවය තේරුම් ගැනීමට අමුතු වෙහෙසක් දැරිය යුතු නෑ. ඕනෑම කෙනෙක් ස්වභාවික පරිසරයත් එහි අලංකාරයත්  අත්විඳීමට යම් කැමැත්තක් දක්වන්නේ නිරායාසයෙන්. සත්වලෝකයේ වෙනත් සතුන්ට ජීවත් වීමට පරිසරයේ ස්වභාවික වාසස්ථාන තිබුණත් මිනිසුන් තම දිවි පැවැත්ම වෙනුවෙන් සුවිශේෂී පරිසරයන් නිර්මාණය කරනවා. මෙලෙස විශේෂයෙන් ගොඩනගන නිර්මාණාත්මක පරිසරයකට තමයි සංස්කෘතික පරිසරයක් කියන්නේ. මනුස්සයන් කොපමණ බුද්ධිමත් වුවත් ඔවුන් විසින් නිර්මාණය කරන සුවිශේෂී පරිසරය සොබාදහමෙනුත් ස්වභාවික පරිසරයෙනුත් බොහෝසෙයින් දුරස් වුනු දැඩි කෘතීමබවකින් සමන්විත එකක් වීම මනුස්සයන්ටම අහිතකරයි. ඇත්තෙන්ම මිනිස් සංහතියේ යහ පැවැත්ම සැලකීමේදී මනුස්සයන් විසින් නිර්මාණාත්මකව ගොඩනගන දෑ සොබාදහමට අනුකූල ලෙස ඊට බොහෝ සංගතව සිදු කිරීම ඉතා වැදගත්.

Thursday, November 15, 2018

කොළඹ නුවර දුම් රිය ගමනක සිත්ගත් තැන්.

කොළඹ සිට නුවරට පොඩිමැණිකේ දුම් රියෙන් රඹුක්කන පසු කොට.










                                                             බලන දුම් රිය ස්ථානයේ



                     පේරාදෙණියේදී සඥ්ඥා දෝශයක් හේතුවෙන් මග නැවතී.


මහනුවර සිට කොළඹට කඩුගන්නාව පසු කරමින්





බදුල්ල බලා ධාවනය වන සීඝ්‍රගාමී දුම් රිය ඉහලකෝට්ටේ දුම් රිය        ස්ථානය වෙත ලඟා වෙමින්

                          

              වංගු සහිත මාර්ගයේ හෙමින් පල්ලම් බහින කෝච්චිය



                     ඉහලකෝට්ටේ දුම් රිය ස්ථානය පසු කරමින්

W3 පංතියේ ඩීසල් හයිඩ්‍රොලික් ඇන්ජිමක් දුම් රියට යොදාගෙන තිබීමත් විශේෂත්වයක් උනා. මේ ඇන්ජින් මෑත කාලයේ දුර ධාවනය වන දුම් රිය වලට එතරම්  යොදා ගැනෙනේ නෑ.

Monday, November 5, 2018

මා දුටු මනමේ

Image result for maname

සරච්චන්ද්‍රයන්ගේ විශිෂ්ටතම නිර්මාණයක් වන මනමේ නාට්‍ය දෙවරක්ම නැරඹීමට මම වාසනාවන්ත වූයෙමි. ඇත්තෙන්ම එහි අපූර්වත්වයෙන් මම වශී වූයෙමි. කීර්තිශේෂෝපගත මහා විදග්ධයන් ගේ නිර්මාණයට නිසි උවටැන් කරමින් එය පවත්වාගෙන යාන එතුමන්ගේ ආර්යාවගේ පරිපාලනය ද මගේ සිත් ගත්තේය. එතුමිය නාට්‍ය කණ්ඩායමේ විනය ගැන දැඩි සැළකිළිමත් වන්නීය. ඇතැම් නාට්‍ය කණ්ඩායම් මත්පැන් ඉල්ලමින් වෙනත් අවශ්‍යතා ඉහගෙන කන්නට හදමින් සංවිධායකයන්ට ඇනයක් වන අවස්ථා ගැන අසා තිබුනෙන් අප මදක් බියට පත්ව සිටියෙමු. ඇත්තෙන්ම නාට්‍ය පෙන්වන්නේ යම් කිසිවකට ආධාරපිණිසය. එනිසා සංවිධායකයන්ගේ පසුම්බියට බරක් නොවන ලෙස හැසිරීම හොදය.  මනමේ කණ්ඩායම සිය කෞෂල්‍යයෙන් මතුනොව විනයෙන්ද තමන් කිසිවෙකුට නොදෙවෙනි බව මොනවට කියා පෑහ.
අපද මත්පැන් නම් සර්පයා අහලකටවත් වද්ද නොගත්තෙමු.
නාට්‍ය කන්ඩායමේ මිත්‍රශීලීත්වයෙන් ද අප සතුටුවීමු. සභාතොමෝ විසිරගියේ සතුටිනි.

මම මනමේ ගැන අසා තිබුනේ පාසල් කාලයේය. එහි දෙබස් මට තවම මතක තිබීමෙන් එය මට කොතරම් ආකර්ශනීය වීද කියා කීමට හොදම සාක්ෂියකි.


නාට්‍යයක් පෙන්වීමට යමකට ආධාර පිණිසම වන ව්‍යාපෘතියක කොටසක් විය යුත්තේ ඇයි. ආධාර පිණිස ව්‍යාපෘතියක ටිකට් ගන්නේ නාට්‍‍ය බැලීමට ඇති අවශ්‍යතාවය නිසා නොවේ. වචනය කඩන්නට බැරිකමටය. අපටනම් එන්න වෙන්නෙ නෑ ඒත් ඔයාට බෑ කියන්න බෑනෙ කියා ටිකට් ගනී. ඇත්තෙන්ම අප කැන්වසින් කර ටිකට් විකිනූ අයගෙන් සීයට අනූනමයක්ම නාට්‍ය බැලීමට ආවේ නැත. එහෙත් ඇත්තම නාට්‍ය රසිකයන් එදින දොරටුවෙන් ටිකට් ලබා පැමිණියහ. ඔවුන් ඇත්තෙන්ම පිය දසුනක්ම විය. එහෙත් මේ ප්‍රමාණය වියදම කවර් කරන්න ප්‍රමාණවත් නැත .souvenir එකක්ද කළ යුතුය. ටිකට් පොත් සාමාජිකයන්ට දී ටිකට් මිනිසුන්ගේ ඇගේ ගසන්නට සිදුවේ. ඇත්තෙන්ම නාට්‍ය කලාව මෙතනට වැටිය යුතු නැත. විශේෂයෙන්ම සම්භාව්‍ය නාට්‍ය.
නාට්‍ය හා සිනමාව යනු කලා මාධ්‍ය දෙකකි. කවදා හෝ සිනමාවත් මෙතනට වැටේවිද.
පොරකකා ටිකට් ගන්න නාට්‍ය රසික ප්‍රජාවක් හදන්න බැරිවේද?

මේ සිතිවිලිවල සැරිසරමින් සිටින මට මනමේ නාට්‍යයේ අපූරු තැනක් හසුවිය. එනම් රාජගුරු කුමරා හා කුමරිය විවාහ කර දෙන්නේ ලංකාවේ දෙවිවරුන්ගේ ආශිර්වාද පතමිනි. එතන යම් නොගැලපීමක් ඇත.
තවත් තැනක වැද්දන් එනවිට කුමරිය බියවී එසැනින්ම සටනට යන ලෙස කුමරු පොළඹවයි .එයද පරස්පර විරෝධීය. මනමේ නාට්‍යයේ ස්ත්‍රිය පැසිව් චරිතයකි. සියුමැලි ඇය ට රැකවරනය අවශ්‍යය. මනමේ නාට්‍යයේ මුල් කතාව තුල ස්ත්‍රියගේ චපල බව ඉස්මතුකිරීමේ වුවමනාව තිබිණි. සරච්චන්ද්‍රයෝ එහි දළ බව අඩුකර මානුෂික මුහුණුවරක් දුනි.මා දුටු කතාවේ නම් ඇත්තෙන්ම කුමරිය වැද්දාට කඩුව දුන්නේ නැත. ඇය කීවේ යටත් වූ සතුරා නොමරන ලෙසයි. මා නම් මනමේ කුමරියගෙන් දුටුවේ උතුම් මිනිස් ගුනයකි. කාරුණික බවකි චපලකමක් නොවේ.

වරද සිදුවුනේ කොතනද? මනමේ කුමරියට කුමරුගේ මරණින් පසු ආරක්ෂාව  අවශ්‍ය විය. ඇය වැදිරජු හා සරන යාම ස්වාභාවිකය. අසරණ කුමරිය කැලය තුල වෙන කුමක් කරන්නද. සියල්ල සතුටින් අවසන් වීමට ඔන්න මෙන්න කියා තිබියදී කුමරියගේ කට වැරදුනි. ඇය ඇත්තෙන්ම වැදිරජුගෙන් ලකුනු දමා ගැනීමට කී අනවශ්‍ය කතාවක් නිසා සියල්ල අවුල් විය. හරි දේ පවා වැරදි වෙලාවක නොකිව යුතුය. අවස්ථාවට අනුව කළ යුතු හොදම විකල්පය මනමේ කුමරිය තෝරාගත්නමුත් කට වැරදීම නිසා අවුල් විය.එහෙත් වෙනත් කතාවල කුමරිය කොපුව කුමරාටත් කඩුව වැද්දාටත් දෙනබව කියනු ලැබේ. එහෙත් මා දුටු නාට්‍යයේ එවැන්නක් නොවීය. මගේ අදහස මා දුටු මනමේ කතවට පමණක් අදාල වේ. 


මෙම කතාවේ කලු සුදු චරිත නැත. වීරයන් හා දුෂ්ටයන් හදුනාගන්නට අමාරු කතාවකි. වීරයා විටෙක මෝඩයෙකි යටත් වූ සතුරා මරන යුධ අපරාධකරුවෙකි. දුෂ්ටයා ඕනෑම ගැහැනියක් හා යහන් ගතවෙන අයෙක් නොවේ. මෙවැනි අඟනක් මවැනියන් හට කවර සරනද කියා අසයි. ඔහුගෙන් යුවලට හිංසාවක් සිදුනොවේ. මනමේ කුමරාගේ මරනය ගැන කුමරිය චෝදනා කරන විට තම නිදහසට කරුනු දක්වන වැදි රජු ගොඩ නගන තරික බලන්න. ඔහු ම්ලේච්ඡයෙකු නොවේ. වනය ඔහුගේ රාජ්‍යයයි. එයට ඇතුලුවන ස්ත්‍රීන් ඔහුගේ දේපොළකි. ඒ වනයේ නීතියයි. වනය ඔහුගේ දේපොළකි. ඔහු අත වරද නැත.


සමාජය ලෝකය ගැන කිසිවක් නොදැන එක්ටම් ගෙයක  වැනි පරිසරයක වැඩුන කුමරිය අතින් වරදක් වුවද එය දෙස අප බැලිය යුත්තේ මානුෂිකවය. පෙම් යුවල මැද්දට පැන වැද්දා කළේ අනවශ්‍ය ත්‍රස්තවාදී ක්‍රියාවක් වුවද කතාවේ අවසානය සුඛාන්තයක් වීනම් නොහොත් වැද්දා හා කුමරිය විවාහ වී ගීයක් ගයමින් නාට්‍ය අවසන් වී නම් මා වඩා කැමැත්තෙ